កាថែទាំសុខភាពមាតា និងទារក ក្រោយពេលសម្រាល

ការថែទាំសុខភាពមាតា

• បន្តតាមដានការកន្ត្រាក់រួមទៅវិញរបស់ស្បូន

• ពិនិត្យស្នាមវះកាត់ ឬ ស្នាមដេរទ្វារមាស

• សញ្ញាជីវិត

• ស្លេកស្លាំង

• បន្តប្រើវីតាមីន និងជាតិដែក

• ចំនីអាហារមានជីវជាតិគ្រប់គ្រាន់

• បរិភោគទឹកឱ្យបានច្រើន

• លើកទឹកចិត្តម្តាយក្រោយពេលសម្រាល ដើម្បីជៀសវាងការបាក់ទឹកចិត្ត

• ចាប់ផ្តើមបំបៅទារកនៅម៉ោងដំបូង ដោយទឹកដោះម្តាយ និងលើកទឹកចិត្តការបំបៅដោយទឹកដោះម្តាយតែមួយគត់ យ៉ាងតិច ៦ខែ

សញ្ញាគ្រោះថ្នាក់សម្រាប់មាតា

• ធ្លាក់ឈាមច្រើនតាមទ្វារមាស

• ឈឺ និងចុកក្នុងពោះខ្លាំង

• ធ្លាក់ស ធុំក្លិន

• ក្តៅខ្លួន លើស ៣៨អង្សារ

• ឈឺក្បាល ស្រវាំងភ្នែក

• ចុកទ្រូង ឬ ពិបាកដកដង្ហើម

• ចុក ឬ ហើមកំភួនជើង

ការថែទាំទារកក្រោយសម្រាល

• ពន្យារពេលការកាត់ទងសុករយៈពេលពី ១ ទៅ ៣នាទី

• ដាក់ទារកនៅលើទ្រូងម្តាយ

• បំបៅដោយទឹកដោះម្តាយនៅក្នុងម៉ោងដំបូង

• ដាក់ទារកឱ្យមានកម្ដៅគ្រប់គ្រាន់

• ចាក់វ៉ាក់សាំងការពារជំងឺរបេង និងរលាកថ្លើមបេ ក្រោយសម្រាល

សញ្ញាគ្រោះថ្នាក់សម្រាប់ទារក

• សន្លឹម

• ចង្វាក់ដង្ហើមញាប់ (>60/min)

• ក្តៅខ្លួន ឬ ចុះកម្ដៅ

• មិនសូវបៅ

• ប្រកាច់

• ចេញលឿងក្នុង ២៤ម៉ោងដំបូង

ការពិនិត្យ និងការពិគ្រោះក្រោយសម្រាល

• ២៤ម៉ោងក្រោយការសម្រាល

• ថ្ងៃទី៣ នៃការសម្រាល

• ចន្លោះថ្ងៃទី៧ ទៅថ្ងៃទី១៤ ក្រោយសម្រាល

• ពិនិត្យ មួយខែកន្លះក្រោយសម្រាល