ផ្នែកកុមារ និងទារក

​         មន្ទីរពេទ្យព្រះអង្គឌួងមានមោទនភាពក្នុងការផ្តល់សេវាថែទាំសុខភាពកុមារប្រកបដោយគុណភាពខ្ពស់ តាមរយៈផ្នែកកុមារ និងទារក ដែលត្រូវបានបំពាក់ដោយបច្ចេកវិទ្យាទំនើប និងដឹកនាំដោយក្រុមគ្រូពេទ្យឯកទេសមានបទពិសោធន៍។ ផ្នែកនេះផ្តល់សេវាដល់កុមារចាប់ពីទារកទើបនឹងកើតរហូតដល់អាយុ ១៤ឆ្នាំ។

​​​        ផ្នែករបស់យើងផ្តល់ការពិគ្រោះ ការធ្វើតេស្ត និងការព្យាបាលសម្រាប់ជំងឺចម្រុះ រួមមាន៖ ជំងឺផ្លូវដង្ហើម ជំងឺទាក់ទងប្រព័ន្ធរំលាយអាហារ ជំងឺឆ្លង និងជំងឺអាឡែកហ្ស៊ីជាដើម។

​         យើងមានផ្នែកថែទាំទារកទើបនឹងកើតដែលបំពាក់ជាមួយឧបករណ៍វេជ្ជសាស្ត្រទំនើប សម្រាប់ទារកកើតមុនកំណត់ ឬទារកមានបញ្ហាសុខភាព។

​         យើងអនុវត្តកម្មវិធីចាក់វ៉ាក់សាំងតាមកាលវិភាគជាតិ ដើម្បីការពារកុមារពីជំងឺឆ្លងគ្រោះថ្នាក់។

​         ក្រុមអ្នកជំនាញរបស់យើងផ្តល់ការណែនាំអំពីអាហារូបត្ថម្ភសមស្របតាមដំណាក់កាលវ័យ ដើម្បីឱ្យកុមារមានការលូតលាស់ និងអភិវឌ្ឍន៍ប្រកបដោយសុខភាពល្អ។

• ក្រុមគ្រូពេទ្យឯកទេស ដែលមានបទពិសោធន៍ខ្ពស់ក្នុងការព្យាបាលជំងឺកុមារ
• បច្ចេកវិទ្យាទំនើប ដែលអាចធ្វើរោគវិនិច្ឆ័យបានត្រឹមត្រូវ និងឆាប់រហ័ស
• បរិយាកាសសុវត្ថិភាព ស្អាត ផ្តល់ផាសុកភាពដល់កុមារ និងគ្រួសារ
• តម្លៃសមរម្យ ដើម្បីឱ្យគ្រប់គ្រួសារអាចទទួលបានការថែទាំដ៏ល្អ

សម្រាប់ព័ត៌មានបន្ថែម ឬការណាត់ជួប សូមទំនាក់ទំនងមកផ្នែកកុមារ និងទារក នៃមន្ទីរពេទ្យព្រះអង្គឌួង។ យើងខ្ញុំរីករាយស្វាគមន៍លោកអ្នកជានិច្ច។ សូមអរគុណ!