ផ្នែកប្រព័ន្ធប្រសាទនិងខួរក្បាល

ផ្នែកប្រព័ន្ធប្រសាទនិងខួរក្បាល ផ្តល់សេវាពិនិត្យ វិនិច្ឆ័យ ព្យាបាល និងតាមដានជំងឺដែលពាក់ព័ន្ធនឹងខួរក្បាល​ ខួរឆ្អឹងខ្នង និងសរសៃវិញ្ញាណសើរៗ។ ក្រុមគ្រូពេទ្យឯកទេសផ្នែកប្រព័ន្ធប្រសាទនិងខួរក្បាល សុទ្ធតែបានបញ្ចប់ការសិក្សាវេជ្ជសាស្ត្រទាំងនៅក្នុងប្រទេស និងពីប្រទេសបារាំង ព្រមទាំងបានទទួលការបណ្តុះបណ្តាលជំនាញពីប្រទេសអន្តរជាតិផ្សេងៗថែមទៀត។ ផ្នែកប្រព័ន្ធប្រសាទនិងខួរក្បាល មានឯកទេសពិសេស លើជំងឺសរសៃឈាមខួរក្បាល (Cerebrovascular diseases) បណ្តុំជំងឺឈឺក្បាលនិងប្រកាំង (Migraine and headache syndromes) ជំងឺប្រកាច់អេពីឡិបស៊ី (Epilepsy) ជំងឺប៉ាគីនសុន (Parkinson disease) ជំងឺចលនាមិនប្រក្រតី (Movement disorders) ជំងឺខ្សោយសាច់ដុំ (Myasthenia gravis) និងជំងឺប្រព័ន្ធប្រសាទផ្សេងៗទៀត។ ជាមួយគ្នានេះផងដែរ យើងខ្ញុំក៏ផ្តល់សេវាវិនិច្ឆ័យ និងអន្តរាគមន៍ពាក់ព័ន្ធនឹងការឈឺចាប់រ៉ាំរ៉ៃ​ ដោយប្រើបច្ចេកទេសចាក់ប្រភេទថ្នាំ Steroid និងការចាក់ពន្លារសាច់ដុំដែលកន្ត្រាក់រឹងដោយប្រើប្រភេទថ្នាំ Botulinum។

• ពិនិត្យ វិនិច្ឆ័យ និងព្យាបាលជំងឺសរសៃឈាមខួរក្បាល​ (Cerebrovascular diseases) រួមមាន ស្ទះសរសៃឈាមខួរក្បាល​ (Ischemic Stroke) ដាច់សរសៃឈាមខួរក្បាល (Hemorrhagic Stroke) ស្ទះសរសៃឈាមខ្មៅក្នុងខួរក្បាល (​Cerebral Venous Thrombosis) និងការហូរឈាមចន្លោះស្រោមខួរ (Subarachnoid hemorrhage)។
• ពិនិត្យ វិនិច្ឆ័យ និងព្យាបាលបណ្តុំជំងឺ ឈឺក្បាលនិងប្រកាំង (Migraine and headache syndromes)​ រួមមាន ជំងឺឈឺក្បាលប្រកាំង (Migraine)​ ជំងឺឈឺសរសៃប្រសាទទី៥ (Trigeminal neuralgia) និងការឈឺក្បាលរួមផ្សំនឹងភ្នែក​ (Cluster headache, Tolosa-Hunt Syndrome…)។
• ពិនិត្យ វិនិច្ឆ័យ និងព្យាបាលដោយថ្នាំ សម្រាប់ជំងឺប្រកាច់អេពីឡិបស៊ី (Epilepsy) ជំងឺប៉ាគីនសុន (Parkinson disease) ជំងឺចលនាមិនប្រក្រតី (Movement disorders) និងជំងឺខ្សោយសាច់ដុំ​ (Myasthenia gravis)។
• ការធ្វើរោគវិនិច្ឆ័យ និងអន្តរាគមន៍ពាក់ព័ន្ធនឹងការឈឺចាប់រ៉ាំរ៉ៃដោយប្រើបច្ចេកទេសចាក់ប្រភេទថ្នាំ Anti-inflammatory injection or PRP សម្រាប់ការឈឺចាប់​ដែលបរាជ័យដោយការព្យាបាលដោយថ្នាំគ្រាប់។
• ការចាក់ពន្លារសាច់ដុំដែលកន្ត្រាក់រឹងដោយប្រើប្រភេទថ្នាំ Botulinum សំរាប់ការកន្ត្រាក់រឹងសាច់ដុំ នៃអ្នកជំងឺសរសៃឈាមខួរក្បាល (Post-stroke Spasm) ​ ការកន្ត្រាក់រឹងសាច់ដុំក (Cervical dystonia) និងការកន្ត្រាក់សាច់ដុំមុខ (Hemi facial Spasm)   ។

• ជាមួយនឹងការកំពុងរៀបចំដំឡើង និងដាក់ឱ្យប្រើនូវម៉ាស៊ីន MRI នាពេលដ៏ខ្លីខាងមុខ យើងក៏មានគោលដៅពីការនាំយកនូវព្យាបាលជំងឺស្ទះសរសៃឈាមខួរក្បាលស្រួចស្រាល ដោយការចាក់ថ្នាំបំបែកកំណកឈាម​ (Thrombolysis) ដែលជាបច្ចេកទេសព្យាបាលមានប្រសិទ្ធភាពខ្ពស់ ក្នុងការកាត់បន្ថយពិការភាពនៃអ្នកជំងឺស្ទះសរសៃឈាមខួរក្បាល។
• យើងក៏កំពុងរៀបចំក្នុងការនាំចូល​នូវម៉ាស៊ីន​សំខាន់ពីរបន្ថែមទៀតគឺ ម៉ាស៊ីនវាស់រលកខួរក្បាល​(Electroencephalogram)​​ ដែលជាម៉ាស៊ីនដ៏មានសារសំខាន់មួយក្នុងការធ្វើររោគវិនិច្ឆ័យ​ និងតាមដានកាព្យាបាលទៅលើអ្នកជំងឺប្រកាច់ សន្លប់​ និង​ម៉ាស៊ីន​វាស់រលកសរសៃវិញ្ញាណ និងសាច់ដុំ​(Nerve conduction study/Electromyogram)​​  ដែលចាំបាច់សម្រាប់ការធ្វើរោគវិនិច្ឆ័យជំងឺសរសៃវិញ្ញាណសើរៗ​ (Peripheral Neuropathies)​​ ។