ផ្នែកជំងឺក្រពេញអរម៉ូន និងទឹកនោមផ្អែមផ្តល់សេវាពិនិត្យ វិនិច្ឆ័យ ព្យាបាល និងតាមដានជំងឺ​ដែលពាក់ព័ន្ធ​នឹងក្រពេញអ័រម៉ូន ជំងឺទឹកនោមផ្អែម និងជំងឺមេតាបូលិចផ្សេងៗ សម្រាប់អ្នកជំងឺពេញវ័យ។ ក្រុមគ្រូពេទ្យឯកទេសផ្នែកក្រពេញអរម៉ូន និងទឹកនោមផ្អែម សុទ្ធ តែបានបញ្ចប់ការសិក្សា​វេជ្ជសាស្ត្រ​នៅក្នុង និងក្រៅប្រទេសដូចជា ប្រទេសបារាំង សាធារណរដ្ឋកូរ៉េ តៃវ៉ាន់ និងការ​បណ្តុះបណ្តាល​អន្តរជាតិផ្សេងៗ។ ផ្នែកជំងឺក្រពេញអរម៉ូន មានឯកទេសពិសេស លើជំងឺក្រពេញទីរ៉ូអ៊ីត (Thyroid disorders) ជំងឺទឹកនោមផ្អែម (Diabetes mellitus) ជំងឺក្រពេញលើតម្រងនោម (Adrenal disorders) ជំងឺក្រពេញភីទូអ៊ីត (Pituitary disorders) ជំងឺកាល់ស្យូម និងឆ្អឹង (Calcium and metabolic bone disorders) ភាពធាត់ (Obesity) និងជំងឺអ័រម៉ូនផ្សេងៗ។ ជាមួយគ្នានេះផងដែរ យើងខ្ញុំក៏ផ្តល់សេវាវិនិច្ឆ័យ និងអន្តរាគមន៍ពាក់ព័ន្ធនឹងដុំពកក្រពេញទីរ៉ូអ៊ីត និងដុំសាច់នៅតំបន់ក ដោយប្រើបច្ចេកទេសសមស្រប និងមិនវះកាត់សម្រាប់ករណីដែលមានដុំសាច់ក្រពេញដែលសង្គត់ពិបាកលេបអាហារឬប៉ះពាល់សម្រស់។ ក្រៅពីការពិនិត្យព្យាបាលទូទៅ ផ្នែកជំងឺអង់ដូគ្រីន និងទឹកនោមផ្អែម ក៏ផ្តោតលើការប្រើប្រាស់​បច្ចេកវិទ្យា​ទំនើបសម្រាប់ជំងឺទឹកនោមផ្អែម ដូចជា Continuous Glucose Monitoring (CGM) ការព្យាបាល​ដោយ​អាំស៊ុយលីនសមស្របទៅតាមជំងឺ ព្រមទាំងការសហការជាមួយផ្នែកពាក់ព័ន្ធផ្សេងៗ ដូចជា វះកាត់ រូបភាពវេជ្ជសាស្ត្រ មន្ទីរពិសោធន៍ និងផ្នែកឯកទេសផ្សេងទៀត ដើម្បីធានាឱ្យមានការថែទាំអ្នកជំងឺ​ប្រកប​ដោយប្រសិទ្ធភាព។

• ពិនិត្យ វិនិច្ឆ័យ និងព្យាបាលជំងឺក្រពេញទីរ៉ូអ៊ីត (Thyroid disorders) រួមមាន ក្រពេញទីរ៉ូអ៊ីតដំណើរការខ្សោយ (Hypothyroidism), ក្រពេញទីរ៉ូអ៊ីតដំណើរការលើស (Hyperthyroidism / Thyrotoxicosis), ក្រពេញទីរ៉ូអ៊ីតរីក (Goiter), ដុំពកក្រពេញទីរ៉ូអ៊ីត (Thyroid nodules) និងមហារីកក្រពេញទីរ៉ូអ៊ីត (Thyroid cancer)។
• ព្យាបាលដុំពកក្រពេញទីរ៉ូអ៊ីតប្រភេទស្លូតដោយមិនចាំបាច់វះកាត់ (Non-surgical treatment for benign thyroid nodules) ដូចជា ការព្យាបាលដោយអេតាណុល (Percutaneous Ethanol Injection, PEI) និងការព្យាបាលដោយរលកកំដៅ (RFA or MWA) ។
• បូមយកកោសិក សម្រាប់វិភាគ (Thyroid fine-needle aspiration cytology [FNAc] and Core biopsy) ដើម្បីជួយវិនិច្ឆ័យដុំពកក្រពេញទីរ៉ូអ៊ីត និងករណីសង្ស័យជំងឺមហារីក។
• ការធ្វើរោគវិនិច្ឆ័យដុំសាច់នៅតំបន់ក (Neck tumor biopsy and diagnosis) ដោយការយកសំណាកសាច់សម្រាប់វិភាគ និងសហការជាមួយមន្ទីរពិសោធន៍ និងផ្នែកពាក់ព័ន្ធ។
• ពិនិត្យ និងគ្រប់គ្រងជំងឺទឹកនោមផ្អែម (Diabetes mellitus) រួមមាន ជំងឺទឹកនោមផ្អែមប្រភេទទី១ (Type 1 diabetes), ជំងឺទឹកនោមផ្អែមប្រភេទទី២ (Type 2 diabetes), មុនទឹកនោមផ្អែម (Prediabetes) និងជំងឺទឹកនោមផ្អែមពេលមានផ្ទៃពោះ (Gestational diabetes)។
• តាមដាន ការពារ និងគ្រប់គ្រងផលវិបាកជំងឺទឹកនោមផ្អែម (Diabetes complications screening and management) រួមមាន ផលប៉ះពាល់លើភ្នែក តម្រងនោម សរសៃប្រសាទ បេះដូង និងសរសៃឈាម។
• សេវាបច្ចេកវិទ្យាទឹកនោមផ្អែម (Diabetes technology) ដូចជា ឧបករណ៍តាមដានជាតិស្ករបន្តបន្ទាប់ (Continuous Glucose Monitoring, CGM) និងម៉ាស៊ីនបញ្ចូលអាំងស៊ុយលីន (Insulin pump) ។
• ពិនិត្យ និងព្យាបាលជំងឺក្រពេញលើតម្រងនោម (Adrenal disorders) រួមមាន ភាពខ្សោយក្រពេញ (Adrenal insufficiency), ការបញ្ចេញអ័រម៉ូនCortisolលើស (Cushing syndrome), ការបញ្ចេញaldosterone លើស (Primary aldosteronism) និងដុំសាច់ក្រពេញលើតម្រងនោម (Adrenal tumor / adrenal incidentaloma)។
• ពិនិត្យ និងព្យាបាលជំងឺក្រពេញ អ៊ុីប៉ូហ្វីក្នុងខួរក្បាល (Pituitary disorders) រួមមាន ដុំសាច់ក្រពេញភីទូអ៊ីត (Pituitary adenoma), ការបញ្ចេញអរមូនទឹកដោះ (Hyperprolactinemia), ជំងឺលើសអ័រម៉ូនលូតលាស់​ដៃជើងធំៗ (Acromegaly) និងភាពខ្សោយក្រពេញអ៊ុីប៉ូហ្វី (Hypopituitarism)។
• ពិនិត្យ និងគ្រប់គ្រងជំងឺកាល់ស្យូម និងឆ្អឹង (Calcium and metabolic bone disorders) រួមមាន ការបាត់បង់ម៉ាសឆ្អឹង (Osteoporosis), ការខ្វះវីតាមីន D (Vitamin D deficiency), ជំងឺក្រពេញប៉ារ៉ាទីរ៉ូអ៊ីត (Parathyroid disorders), កាល់ស្យូមក្នុងឈាមខ្ពស់ (Hypercalcemia) និងកាល់ស្យូមក្នុងឈាមទាប (Hypocalcemia)។
• ពិនិត្យ និងគ្រប់គ្រងភាពធាត់ និងបញ្ហាមេតាបូលិច (Obesity and metabolic disorders) ដើម្បីកាត់បន្ថយហានិភ័យនៃជំងឺទឹកនោមផ្អែម ជំងឺបេះដូង និងជំងឺរ៉ាំរ៉ៃផ្សេងៗ។
• ពិនិត្យ និងគ្រប់គ្រងជំងឺអ័រម៉ូនស្ត្រី និងបន្តពូជ (Reproductive endocrinology) រួមមាន រោគសញ្ញាពងអូវែច្រើនគ្រាប់ (Polycystic Ovary Syndrome, PCOS), រដូវមិនទៀង (Menstrual disorders / amenorrhea) និងបញ្ហាអ័រម៉ូនពាក់ព័ន្ធផ្សេងៗ។
• ពិនិត្យ និងគ្រប់គ្រងជំងឺអ័រម៉ូនផ្លូវភេទ (Gonadal disorders / hypogonadism) និងដុំសាច់ក្រពេញអ័រម៉ូន (Endocrine tumors) វិបិត្តអត់កូនបរុសនិងស្ត្រី (Male and female infertility) ។

បំពាក់ម៉ាស៊ីន CGM តាមដានជាតិស្ករ ២៤ម៉ោង ដោយពុំបាច់ជួសជាតិស្ករចុងដៃញឺកញាប់